کولیژا پەروەردا بنیات ل زانکۆیا دهۆک ب پشکدارییا بەرێزان دکتۆر رەمەزان عابد راگرێ کولیژا پەروەردا بنیات و دکتۆر دلشاد عبدالحلیم هاریکارێ سەرۆکێ زانکۆیا دهۆک بۆ کاروبارێن کارگێری و دارایی و دکتۆر نزار ئەمین رێڤەبەرێ ئۆفیسا پەیوەندیێن ناڤدەولەتی ل رۆژێن ( 16-17-18 کانوونا ئێکێ 2024 ) ب مەرەما گێرانا کۆنفرانسێ ناڤدەولەتیێ ب دویماهی هینانێ ئەنجامدا ل زانکۆیا ڕاپەرین و زانکۆیا سلاح الدین.

کۆنفرانس یێ تەرخانکری بوو ژبۆ نرخاند و هەلسەنگاندنا پرۆژەیێ ئاڤاکرنا مامۆستایان ل کۆلیژێن پەروەردەیێن بنەرەت ل هەرێما کوردستانێ(Teachers MOD Project ) ئەوێ ب هەڤکارییا وەزارەتا خواندنا بلند دگەل زانکۆیا پاڤیا ل وەلاتێ ئیتالیا ( Pavia University )، زانکۆیا گرانادا ل وەلاتێ ئیسپانیا(Granada University ) و زانکۆیا ئۆتاد ل وەلاتێ پرتوگال( Utad University )، یونیمد (Unimed ) ، ل گەل زانکۆیا دهۆک، ب سپۆنسەرییا پرۆگرامێ ئێرەسموس (Erasmus ) هاتییە ئەنجامدان.

هەژی گۆتنێیە (5) مامۆستایێن زانکۆیا دهۆك سمینارێن خۆ دەربارەی ئەکشن پلان ل سەر (TOT) و کارێ هاتییە ئەنجامدان و کارێ دپرۆسەیێدا و پلان ژبۆ کارێن کو دێ هێنە ئەنجامدان ل پاشەرۆژێ پێشێکشکرن. دیسان ڕاسپاردە و پێشنیارێن دێ هێنە پێشکێشکرن بۆ وەزارەتا پەروەردێ و وەزارەتا خواندنا بلند و ڤەکۆلینێن زانستی ل هەرێما کوردستانێ ژبو ئاڤاکرنا شیانێن مامۆستایان و پرۆگرامیێن خواندنێ هاتنە گەنگەشەکرن. ئەڤان مامۆستایێن ل خوارێ پشکداری د دانا سمیناراندا کر:

１- دکتور ئەمین عبدالقادر رێڤەبەرێ سەنتەرێ زمانان ل زانکۆیا دهۆک و کوردینەیتەرێ پروژەی

２- دکتور نسرین محمد عبداللە / کولیژا پەروەردا بنیات

３- دکتور نادیا زەکو / کولیژا پەروەردا بنیات

４- دکتور سعید سعید / کولیژا پەروەردا بنیات

５- دکتور سعید عطية / کولیژا پەروەردا بنیات