دەربارەی بەشی

​بەشێ زمانێ ئینگلیزی ل کۆلیژا پەروەردا بنەڕەت ل زانکۆیا دهۆک ل سالا خاندنێ 2001 هاتە دامەزراندن، ژ بۆ تێرکرنا پێدڤیێن بازاڕێ کارێ ل هەرێما کوردستانا عیراقێ، پشتی رژێما دکتاتۆری کەت و قۆناغەکا نوو یا گەشەپێدانا سیاسی و ئابووری ل دەڤەرێ دەستپێکر.

​بەشێ زمانێ ئینگلیزی پرۆگرامەکێ زانکۆیی یێ چوار سالی ل سەر زمانێ ئینگلیزی پێشکێش دکەت. ستافێ مامۆستایان یێ پابەندە ب گرتنەبەرا رێبازێن فێرکرنێ یێن سەرنج ل سەر فێرخوازان بن؛ و گەلەک ژ وان بڕوانامەیێن (TESOL) (فێرکرنا زمانێ ئینگلیزی ژ بۆ نە ئاخفتنڤانێن وی) و (TEFL) (فێرکرنا زمانێ ئینگلیزی وەک زمانەکێ بیانی)، و بوارێن جودا جودا یێن زمانزانییا تیۆری و پراکتیکی، دگەل ئەدەبیاتی وەرگرتینە.

​پرۆگرامێ مە ل بەشێ مە هاتیە دیزاینکرن ژ بۆ ئامادەکرنا خاندکاران کو ببنە مامۆستا ل قوتابخانێن بنەڕەتی (سەرەتایی، ناڤنجی و ئامادەیی) ژ بۆ گۆتنەوەیا دەرسێن زمانێ ئینگلیزی ژ بۆ گەنجان و هەرزەکاران، و بنەما یێن ئەدەبێ ئینگلیزی، و رێبازێن پەروەردەیێ (ئوسولێن پەروەردەیێ)، و پرنسیپێن پەروەردە و زانستێ دەرۆنی، و هۆشیارییا کەلتووری، و لایەنێن دی یێن گرێدای ب رەوشێن گۆتنەوەیێ ل بازاڕێ کاری ل هەرێما کوردستانێ. ل سەر ڤێ بنەمایێ، ئارمانجا ڤی پرۆگرامێ یە کو شیانێن وان ل سەر رێبازێن گۆتنەوەیا زمانێ ئینگلیزی ب هێز بکەت. خاندکار دەرسێن ئاخفتنێ، نڤیسینێ، ئەدەبێ ئینگلیزی، زمانزانی، رێزمانا زمانێ ئینگلیزی و شیوازێن گۆتنەوەیا وێ، زانستێ دەرۆنێ گەشەپێدانێ، پرنسیپێن فێرکرنێ، هەلسەنگاندن، پێڤان، تاقیکرن، و ئێکالکرنێ (سەنگاندنێ) وەردگرن. پشتی ب دووماهی ئینانا ڤان دەرسێن هێژا و مفادار و بەربەلاڤ، خاندکار دێ ل دەمێ دەرچوونێ، ب شیاو بن کو ببنە مامۆستایێن زمانێ ئینگلیزی ل قوتابخانێن بنەڕەتی.

​دێ ل خوارێ شرۆڤەیەکا کورت یا تایبەتمەندیا خاندنێ، دەما وێ، و راگەهاندن و دیتنا بەشێ زمانێ ئینگلیزی ل کۆلیژا پەروەردا بنەڕەت ل زانکۆیا دهۆک پێشکێش کەین.

​تایبەتمەندیا خاندنێ:

زمانێ ئینگلیزی (ب سەرنجدانەکا سەرەکی ل سەر فێرکرنا زمانێ ئینگلیزی (ELT))

​دەما خاندنێ: 4 سال (قۆناغێن سپێدێ و ئێڤاری)

​راگەهاندنا بەشی

بەشێ زمانێ ئینگلیزی ل کۆلیژا پەروەردا بنەڕەت ل زانکۆیا دهۆک هاریکارییا خاندکاران دکەت کو زانیاریێن وان ل سەر ناڤەرۆک و رێبازێن فێرکرنا زمانێ ئینگلیزی، و دەرسێن ئەدەبیات و پەروەردەیێ، و فێرکرنا زمانێ ئینگلیزی ژ بۆ نە ئاخفتنڤانێن وی (TESOL)، و فێرکرنا زمانێ ئینگلیزی، و ئاخفتن و نڤیسین ب زمانێ ئینگلیزی، و بکارئینانا ئامرازێن تەکنۆلۆژیایێ ل فێرکرنا زمانێ ئینگلیزی، و هەلسەنگاندن، و نڤیسینا ئەکادیمی بهێنە ئاڤاکرن. ستافێ مامۆستایان یێ پابەندە ب بکارئینانا زمانێ ئینگلیزی وەک زمانێ گۆتنەوەیێ ل پۆلێن خاندنێ، و ب نویترین بابەت و رێبازان ل فێرکرنا زمانێ ئینگلیزی رادبیت ژ بۆ ئامادەکرنا خاندکاران ب شێوەیەکێ پیشەیی (ژ بۆ تێرکرنا پێدڤیێن بازاڕێ کاری) و ژ بۆ فێرکرن و خاندنێ ل سەرانسەری ژیانێ.

​دیتنا بەشی

ئارمانجا بەشێ زمانێ ئینگلیزی ئەڤێن ل خوارێ نە:

ئامادەکرنا مامۆستایێن زمانێ ئینگلیزی یێن شارەزا ژ بۆ قۆناغێن سەرەتایی و ئامادەیی.

ئامادەکرنا مامۆستایێن زمانێ ئینگلیزی یێن شیانێن رێڤەبرنا پۆلێن خاندنێ هەبن، و بکارئینانا سەرچاڤەیان (مرۆڤی، ماددی و تەکنۆلۆژی) ل پۆلا خاندنێ ب شێوەیەکێ کاریگەر.

زێدەکرنا هۆشیارییا مامۆستایێن زمانێ ئینگلیزی ل سەر گرنگییا زمانێ ئینگلیزی وەک زمانەکێ جیهانی کو د شیانێن وان دایە کو باشترین خزمەتا زمان و ئەدەبێ خوێ یێ کوردی بێ پێشکێش بکەن.

هێزدارکرنا وان ژ بۆ ب دووماهی ئینانا خاندنا پلەبلند ب سەرکەفتیانە.

ب هێزکرنا متمانەیا وان ب بهایێ و کوالیتییا شیانێن وان یێن ل بەشی وەرگرتین کو دێ دەلیڤەیێن کارکرنێ یێن باشتر ل بازاڕێ کارێ یێ گەلەک رکابەری تێدا مسۆگەر کەن.