پشکا مێژوویێ

پشکا مێژوویێ ل سالا ٢٠٠٣ هاتیە دامەزراندن. ئەڤ پشکە قوتابیێن خو دئێخیتە د چار سالێن خاندنێ دا بۆ وەرگرتنا باوەرناما بەکالوریوسێ کو وان شیا دکەت کار بکەن د دام و دەزگەهێن حکومی دا. قوتابی ب شارەزایی و کارامەیێن پێدڤی بۆ پاشەرۆژا خو یا پیشەیی دهێنە تەیارکرن. رێڕەوا خاندنا بەکالوریوسێ ب توندی و بەرفرەهیێ دهێتە دیارکرن، و وانەیێن کو زانینەکا بەرفرەە لسەر پرەنسیپێن بنەرەتی و جزئیاتێن گرنگ یێن پەیوەندیدار ب مێژوویێ و شارستانیەتێن مرۆڤاتیێ ددەتە قوتابیان بخوڤە دگریت. زێدەباری پسپۆرییا خو، قوتابی هەروەسا بنەمایێن کۆمپیوتەری و زمانێ کوردی ژی دخوینن.

وەسفکرن

ئارمانجا پشکێ ئەوە کو قوتابیان ئاشنای سەردەمێن مێژوویی یێن جودا و شارستانیەتێن مرۆڤی ل درێژاهییا سەردەمان بکەت، ب بەردەڤی لسەر مێژوویا کەڤن، ئیسلامی، نوی و هەڤچەرخ. د قوناغێن پاشی یێن خاندنێ دا، پرۆگرام کوورتر دبیت بۆ دابینکرنا زانین و شارەزایییا پێدڤی بۆ قوتابیان د رێکێن ڤەکۆلینێن مێژوویی و شلۆڤەکرنا رەخنەیی یا ژێدەر و بەلگەنامەیێن مێژوویی دا، کو هاریکارییا وان دکەت ببنە شارەزا د بیاڤێ خودا. سیستەمێ خاندنێ ل نیڤا هەیڤا ئەیلۆنێ ژ هەموو سالەکا خاندنێ لدیڤ سالناما زانکۆیێ دەستپێدکەت و ل دوماهییا هەیڤا حوزەیرانێ ب دوماهی دهێت. د ماوێ چار سالێن خاندنێ دا، پێدڤیە قوتابی د تاقیکرنێن وەرزی و تاقیکرنێن دوماهیێ یێن هەموو وەرزەکی دا دەرباز ببن. پشک دەلیڤەیێن ڤەکۆلین و خاندنا فرەبیاڤی بۆ قوتابیان دابین دکەت، لسەر بنەمایێ دیسیپلینێن سەرەکی یێن مێژوویی، بۆ بەرفرەهکرنا ئاسۆیێن وان یێن ئەکادیمی و ڤەکۆلینێ.

ئارمانج

ئارمانج ئامادەکرنا قوتابیانە کو ببنە مامۆستایێن شایستە بۆ قوناغا ئامادەیی د بابەتێ مێژوویێ دا. کولیژ پرەنسیپێن بنەرەتی یێن وانەگۆتنێ د مێژوویێ دا دابین دکەت، زێدەباری بابەتێن دەروونی و پەروەردەیی یێن کو رێک و تەکنیکێن وانەگۆتنا بابەتێ دگرنە بەر خو. کولیژا پەروەردێ گرنگییا مێژوویێ وەک بیاڤەکێ هێژای گەڕیانێ دزانبت بۆ ئامادەکرنا مامۆستایێن پاشەرۆژێ یێن کو دشێن رابردووی ب نهاڤە گرێدەن، و تێبگەهن ژ پێشکەفتنێن مێژوویی یێن کو پێکهاتا جڤاکی و چاندی یا جڤاکا مە پێکئینایە. ئەڤ شارەزایە باشتر دشێن هشیارییا مێژوویی گەشە پێبدەن و بهایێن هەبوون و شارستانیەتێ د ناڤ قوتابیێن خودا بچینن، و ژینگەهەکا فێرکرنێ یا هاندەر دابین بکەن کو هاریکارییا وان بکەت تێبگەهن ژ نها ب رێکا خاندنا رابردووی.