سەبارەت پشکا زمانێ کوردی

پشکا زمانێ کوردی ل ساڵا (2001) هاتییە دامەزراندن. قوتابی پشتی چوار ساڵێن خواندنێ، باوەرناما بەکالوریوسێ وەردگرن، داکو ل دامودەزگەهێن میری کار بکەن. د ئەڤی بواریدا ئامراز و شارەزایێن پێدڤی بۆ قوتابییان دهێنە دابینکرن داکو د داهاتیدا مفای ژێ وەربگرن. ئەو ڕێباز و پروگرامێن ل زانکۆیێ دهێنە خواندن هویربینی و گشتگیریێ ب خۆڤە دبینن، ئەو وانێن دهێنە پێشکێشکرن هاریکارییا قوتابییان دکەن ژبۆ وەرگرتنا زانیاریێن گشتی و شەنگستێن سەرەکی ئەوێن گرێدای ب بسپوورییا ئەوانڤە. هەروەسا قوتابی ژبلی وانێن گرێدایی ب بسپوورییا هەر پشکەکێڤە، وانەیان د سیستەم و پروگرامێن کومپیوتەریژیدا وەردگرن.

وەسفکرن

پشکا زمانێ کوردی گرنگیێ ب قوتابییان ددەت ژبۆ زانینا قۆناغێن جیاوازێن گەشەکرنا زمانێ کوردی. ئەو ڕیباز و پروگرامێن هەر ژ دەستپیکێ بۆ قوتابییان دهێنە پێشکێشکرن، هاریکارییا ئەوان دکەن ژبۆ وەرگرتنا زانیاری و شارەزایێن پێدڤی کو د دەمەکێ گونجایدا شیانێن وەرگرتنێ هەبن و کونترولکرنێ ل سەر بکەن، ئەڤەژی دبیتە ئەگەر کو شارەزاییەکا باش د بسپوورییا خۆدا وەربگرن.

سیستەمێ خواندنێ ل نیڤا مەها ئەیلولێ دەستپێدکەت و ل دوماهییا مەها خزیرانێ ب دوماهیک دهێت. د ئەڤی ماوەیدا پێدڤییە قوتابی تاقیکرنێن نیڤا وەرزی (میتێرم)ێ و دوماهییا وەرزی د هەر سمستەرەکیدا ب سەرکەڤتیانە دەرباز بکەت. ئەڤ پشکە دەرفەتێ ددەتە قوتابییان بۆ دویڤچوون و خواندنا بابەت و بسپوورین جوراوجور ب پشتبەستنا بسپوورییا سەرەکی، داکو شیانێن ئەوان د بەرهەمهینانێدا بەرفرهتر لێبێن.

ئارمانج

ئارمانجا ئەڤێ پشکێ بەرهەڤکرنا قوتابییانە داکو ماموستایێن قۆناغێن سەرەتایی و ناڤنجی بەرهەم بینن. د ئەڤی بواریدا شەنگستێن سەرەکیێن وانەگوتنێ ژ لایێ کولیژێڤە بۆ قوتابییان دهێنە دابینکرن، زێدەباری وەرگرتنا بابەتێن دەروونناسی و پەروەردەیی ئەوێن گرێدایی ب هەر بوارەکیڤە. ب شێوەیەکێ گشتی گرنگی ب خواندنا زمان و ئەدەبێ کوردی ژ لایێ کولیژێڤە دهێتە دان و ئەڤ پشکە هاتییە دامەزراندن ژبۆ ڤەگوهازتنا ئەڤان زانیارییان بۆ نەوەیێن داهاتی.