​دەربارەی پشکێ

پشکا پەروەردا تایبەت ل سالا 2014 هاتە دامەزراندن، کو بتنێ سالەک پشتی ئیمزا کرنا حکومەتا هەرێما کوردستانێ لسەر رێککەفتننامەیا نێڤدەولەتی یا مافێن کەسێن خوەدان پێدڤیێن تایبەت . ئەڤ گاڤە نە بتنێ دامەزراندنەک بوو، بەلکو پابەندبوونەکا پراکتیکی بوو بۆ جێبەجێکرنا ب تەمامی یا مافێن ڤێ پۆلێ، وەک ل رێککەفتننامە و ماددەیێ 22 یێ دەستوورێ هەرێمێ دا هاتی.

​کار و ئارمانجا مە

ژ وێ رۆژێ وەرە، پشکێ ب خورت و بێ وەستان کار کریە بۆ وێ چەندێ کو ل گەل نووترین پێشکەفتنێن جیهانی یێن جۆری د بیاڤێ پەروەردا تایبەت دا بچیت. پەیاما مە ئەوە کو ب شێوەیەکێ چالاک بەشداریێ بکەین د ئاڤاکرنا ژینگەهەکا جڤاکی و پشتەڤان دا، کو مسۆگەر بکەت تێکەلکرنا ئەکادیمی و جڤاکی یا تەمام بۆ کەسێن خوەدان پێدڤیێن تایبەت، و بناغەیێ کاریێ یێ مە نەهیلانا جوداکاریێ یا موتڵەقە.

​دیتـن

کو ئەم ببینە پێشەنگ و نموونەیا جودا ل سەر ئاستێ ناڤخۆ و هەرێمێ د ئامادەکرنا مامۆستایێن پەروەردا تایبەت دا.

​پەیام

ئامادەکرنا ستافێن فێرکرنێ یێن خوەدان لێهاتیەکا زانستی و پیشەیی یا بلند، یێن کو پابەندبوونەکا کوور و باوەریەکا قایم ب پەیاما خوە یا پەروەردەیی هەبیت، بۆ وێ چەندێ کو کەسێن خوەدان پێدڤیێن تایبەت شیان هەبیت سەرکەفتنێ د رێچکێن خوە یێن ئەکادیمی و پیشەیی دا بدەستڤەبینن.

​ئارمانج

پشکا مە هەول ددەت بۆ بدەستڤەئینانا ڤان ئارمانجان:

​1. تێگەهاندنا زانینی یا گشتگیر: پێشکێشکرنا زانینا تیۆری و پراکتیکی یا پێدڤی بۆ قوتابیان بۆ فێرکرنا هەردوو پۆلێن قوتابیێن خوەدان پێدڤیێن تایبەت و قوتابیێن بهێز و شیان ژی.

​2. ئاڤاکرنا هەلویستێ ئەرێنی: پەرەپێدان و کوورکرنا هەلویستێن ئەرێنی و پشتەڤان ل دەڤ قوتابیان بەرەڤ کەسێن خوەدان پێدڤیێن تایبەت.

​3. پێشەنگیا ڤەکۆلینێ و پەرەسەندنا خودی: هێلانا قوتابیان ل سەر ئاگەهیەکا بەردەوام ب نووترین ڤەکۆلین و ئەنجامێن جیهانی د بیاڤێ پەروەردا تایبەت دا، و ب هێزکرنا شیانێن وان لسەر فێرکرنا خودی یا بەردەوام.

​4. دەستنیشانکرن و پێڤان: راهێنانکرنا پراکتیکی یا پێشکەفتی بۆ قوتابیان لسەر نووترین پێڤەر و رێکێن دەستنیشانکرنا پێدڤیێن تایبەت یێن جۆراوجۆر.